ചിന്താവിഷ്ടയായ സീത
നമ്മുടെ നവോത്ഥാന മുന്നേറ്റങ്ങൾക്കും സ്ത്രീയുടെ തുല്ല്യതാ പോരാട്ടങ്ങൾക്കും നൂറ്റാണ്ടുകളുടെ ചരിത്ര പാരമ്പര്യമുണ്ട്...
സാഹിത്യത്തിലും നമ്മുടെ സാമൂഹിക സാംസ്ക്കാരിക മണ്ഡലങ്ങളിലും നടന്ന അത്തരത്തിലുള്ള ഇടപെടലുകൾ കണ്ടെടുത്ത് പുതിയ തലമുറയോട് വിളിച്ചു പറയേണ്ടത് അത്യാവശ്യമായ കാലത്താണ് നമ്മൾ ജീവിക്കുന്നത്... നമ്മൾ ഇപ്പോൾ എവിടെയാണ് എത്തി നിൽക്കുന്നതെന്ന ആത്മപരിശോധനയ്ക്കും അത് ആവശ്യമാണ്...
നൂറു വർഷങ്ങൾക്കു മുമ്പ് എഴുതപ്പെട്ട ഒരു കൃതി വായനയക്കായ് വീണ്ടും തെരഞ്ഞെടുക്കുന്നതും ചർച്ചയ്ക്ക് വിധേയമാക്കുന്നതിന്റെ പ്രസക്തി മറ്റൊന്നല്ല....
കുമാരനാശാന്റെ
*ചിന്താവിഷ്ടയായ സീത* സ്ത്രീ സത്ത്വത്തെ വിപ്ലവാത്മകമായി അടയാളപ്പെടുത്തിയ മലയാള സാഹിത്യത്തിലെ ആദ്യ കൃതിയായിരുന്നു....
പൗരോഹിത്യത്തിന്റെയും ആണധികാര വ്യവസ്ഥകളുടെയും ആലങ്കാരികവർണ്ണനകളായി മാത്രം നിലനിന്നിരുന്ന രാമായണത്തിൽ നിന്നും ആശാൻ സീതയെ കണ്ടെടുത്തു പുനർനിർമ്മിച്ചത് പുതിയ കാലത്തിലേക്കുള്ള ഒരു കരുതിവെപ്പായിരുന്നു....
പരമോന്നത നീതിപീoങ്ങൾ പോലും തുല്ല്യതയ്ക്കും നീതിയ്ക്കുമായുള്ള അവളുടെ നിലവിളികളെ ആൺകോയ്മയുടെ ബോധ്യങ്ങളാൽ നിർവ്വചിക്കുന്ന ഈ കാലത്ത്
ചിന്താവിഷ്ടയായ സീതയുടെ പുനർവായന പുരോഗമന പക്ഷത്തു നിലയുറപ്പിച്ചവരുടെ ഉത്തരവാദിത്തമാണ്...
നമ്മുടെ വ്യവസ്ഥാപിത കുടുബസങ്കൽപ്പങ്ങളെയും ആൺ പെൺ സൗഹൃദങ്ങളെയും സംവാദാത്മകമായി പരിശോധിക്കാൻ നമുക്കുമാവണ്ടെ....?
ഭരണഘട ഉറപ്പു നൽകുന്ന
നീതിയ്ക്കായുള്ള അവളുടെ പോരാട്ടങ്ങളോട് ഐക്യപെടാൻ ചിന്താവിഷ്ടയായ സീത യുടെ വായനയും ചർച്ചയും നമ്മളെ കൂടുതൽ ജാഗ്രതപ്പെടുത്തും തീർച്ച...
Comments
Post a Comment