ഒരു ഏക്ടിവിസ്റ്റായ കവി സുഹൃത്തിന്റെ ഡയറിയിലെ ഒടുവിലത്തെ പേജ്

-

ഒരു ഏക്ടിവിസ്റ്റായ കവി സുഹൃത്തിന്റെ ഡയറിയിലെ ഒടുവിലത്തെ പേജ്
...............................................
അതെ... അത് ഇപ്രകാരമായിരിക്കും

ഇന്നലെയായിരുന്നു ഞാൻ

മരണ പെട്ടത്....

ആത്മസംഘർഷങ്ങളാൽ
ഇടനെഞ്ചു പൊട്ടിയായിരിക്കാം
അതു സംഭവിച്ചെതെന്ന്
എന്നിലെ കവി...
എന്റെ വാക്കിന്റെ മുള്ളേറ്റ് നൊന്തവർ
കഠാരയുമായി തിരികെ വന്നതാകാമെന്ന്
എന്റെ കുറ്റസമ്മതം...
എന്റെ പോക്കറ്റിൽ നിന്ന്
കണ്ടെടുത്ത ആത്മഹത്യാ കുറിപ്പ്...
കള്ളം പറയുന്നതായിരുന്നു.....
എനിക്ക് ഉറപ്പുണ്ട്
ഞാൻ ആത്മഹത്യ ചെയ്യാനിടയില്ല....
അങ്ങിനെയായിരുന്നുവെങ്കിൽ
ജാതി വിളിച്ച് നഗ്‌നാക്കപ്പെട്ട
കളിപറമ്പിലോ....
ക്ലാസ് മുറിയിലോ
അത് എത്രയോ  മുമ്പ് സംഭവിക്കുമായിരുന്നു..
ആത്മരതികളാൽ ചർച്ച കൊഴുത്ത
സെമിനാർഹാളിൽ
ദളിതന്റെ ആത്മവിലാപങ്ങൾ
ചർദ്ദിച്ചപ്പോൾ
ഭ്രാന്തനെന്ന വിളികേട്ട് ഇറങ്ങിപോന്നതായിരുന്നുഞാൻ..
ചവിട്ടിയുടക്കപ്പെട്ട എന്റെ വൃഷ്ണസഞ്ചി
ഒരുവംശഹത്യയുടെ
കഥ പറയും...!
ഒടുവിൽ...
ഒടുവിൽ പറഞ്ഞതെന്താണ്?
ദളിതന്റെ കൂരകളിലൂടെ
ഒളിച്ചു കടത്തിയ  മാണിക്യമാണ്
നമ്മുടെ പ്രസ്ഥാനമെന്ന്... !!
അതെ... അതാണവരെ
ശരിക്കും ചൊടിപ്പിച്ചത്....
അവസാന ശ്വാസത്തിലും
ഈങ്ക്വിലാബിനായി ഉയർത്തിയ കൈകൾ തല്ലിയൊടിച്ചത്
കമ്യൂണിസ്റ്റ് കാരനല്ലെന്ന്
വരുത്തി തീർക്കാനാണ്...
പക്ഷെ ചുരുട്ടിയ മുഷ്ടികൾ അവന്റെ പോരാട്ടത്തിന്റെ നേർസാക്ഷ്യങ്ങളാണ്...
കൈ വെള്ളയിലെ കട്ടി തയമ്പ് അറുത്ത് കളഞ്ഞത്
പണിയെടുക്കാത്ത ബ്യൂഷ്വാ യാണെന്ന് വരുത്താനാണ്...
എന്നാൽ
കണ്ണിലെ ദയാവായ്പ്പ്
അറുത്തുമാറ്റാനാവുമായിരുന്നില്ല....
ഉടൽ കൊത്തിനുറുക്കിയത്
ഇതു ഞാനല്ല എന്ന് പറയാനായിരുന്നു
എന്നാൽ
ഓരോ മുറിവും ചേർത്തുവെച്ചപ്പോൾ
എന്റെ പേര്
കൊത്തിവെച്ച പോലെ..
അയ്യങ്കാളിയുടെ വില്ലുവണ്ടി
പോലെയാണെനിക്ക്
എന്റെ ബുള്ളറ്റ് ബൈക്ക് എന്ന് പ്രഖ്യാപിച്ചതിന്റെ പിറ്റേന്ന്
ഓടയിൽ നിന്ന് എന്നെ കണ്ടെടുക്കുമ്പോൾ
തകർക്കപ്പെട്ട നിലയിൽ
കുറച്ചു ദൂരെ മാറി
ബൈക്കും കണ്ടെത്തി....
മരണകാരണങ്ങൾ പിറുപിറുപ്പുകളായി ഉയർന്ന്
അന്തരീക്ഷത്തിനു തീ പിടിച്ചു.....
എങ്കിലും പോസ്റ്റുമോർട്ടം റിസൽട്ടിനു അവർ അക്ഷമരായി കാത്തിരുന്നു....
പോസ്റ്റുമാർട്ടം ചെയ്ത ഡോക്ടറുടെ
നിഗമനം ഇതായിരുന്നു...
നമ്മൾ കരുതിയിരുന്നതുപോലെ
റോഡപകടം തന്നെ... !!
നമ്മുടെ സാമൂഹിക-
സാoസ്‌ക്കാരിക - രാഷ്ട്രീയ ഹൈവേകളിലൂടെ
നിയമങ്ങൾ തെറ്റിച്ച്
അമിത വേഗതയിൽ വണ്ടിയോടിച്ചതുകൊണ്ട്.."

Comments

  1. Sudheesh Ammaveedu1 February 2018 at 17:33

    > key press ചെയ്തു അടുത്ത കവിതയിലേക്ക് പോകാം

    ReplyDelete

Post a Comment

Popular posts from this blog

ഇ.ജിനന്റെ തനിയെ പാടുന്ന കവിതകൾ

-
Image
ബാല സാഹിത്യത്തിൻടെ ദിശാ സൂചിക തിരുത്തിയ  ഇ.ജിനന്റെ തനിയെ പാടുന്ന കവിതകൾ ബാലസാഹിത്യത്തിൻടെ ചരി(തം പരിശോധിച്ചാൽ മലയാളസാഹിത്യത്തിൻടെ പിറവിയോളം തന്നെ  പഴക്കമുണ്ടാകും...കഥയോ കവിതയോ എഴുത പെട്ടപ്പോൾ കുട്ടികൾക്കായള്ള എഴുത്തുകൂടി ഉണ്ടായിട്ടുണ്ട്.... കാക്കേ കാക്കേ കൂടെവിടെ എന്ന കവിത നമ്മുടെ എ(ത തലമുറയാണ് പാടി കൊണ്ടിരിക്കുന്നത്....നമ്മുടെ കവി(തയത്തിലെ ഉള്ളൂരാണ് ഈ കവിത എഴുതിയത്.ആമയും മുയലും പന്തയം വെച്ച  കഥ....,കുറുക്കൻ മുന്തിരി കുലക്ക് ചാടിയ കഥ...നമ്മളെത്ര തലമുറ കൈമാറി... കവി കോലായിൽ ഗോപാലകൃഷ്ണൻ ...കൂകു  കൂകൂ  തീവണ്ടിക്ക്... മലയാളി തീവണ്ടി പരിചയപെട്ടതിനോളം പഴക്കമുണ്ട്...എന്നാൽ ഇതിനെയല്ലാം ബാലസാഹിത്യം എന്ന സാഹിത്യ ശാഖ എന്നരീതിയിൽ തരം തിരിക്കപെട്ടത് വളരെ അടുത്തകാലത്താണ്.അതിൽ തന്നെ കുട്ടികളുടെ ഭാഷയിൽ  വലിയ ജീവിത ദർശനത്തെ അവതരിപ്പിച്ച് ബാലസാഹിത്യത്തിന് ജനകീയസാഹിത്യം എന്ന മേൽവിലാസത്തിലേക്ക് ഉയർത്തിയ കവിയാണ് കുഞ്ഞുണ്ണിമാഷ്....കുഞ്ഞുണ്ണിമാഷെ ബാലസാഹിത്യകാരനായി തന്നെ കാണാനാണ് ഞാൻ ആ(ഗഹിക്കുന്നത്. ലോകത്തെ മുഴുവനും കുട്ടിയായി കണ്ട് അവർക്കു വേണ്ടിയുള്ള എഴുത്തായിരുന്നു അദ്ദേഹത്...
Read more

വയലാറിന്റെ അശ്വമേധം കവിതയെ കുറിച്ച് സുധീഷ് അമ്മവീട്

-
Image
കവിതയെ ചമയങ്ങൾ കൊണ്ടും അലങ്കാരങ്ങൾ കൊണ്ടും മനുഷ്യന്റെ യഥാർത്ഥ ജീവിതത്തെ അന്യവൽക്കരിക്കുകയല്ല മറിച്ച് അവയെല്ലാം കുടഞ്ഞെറിഞ്ഞ് മനുഷ്യ ജീവിതത്തിന്റെ വ്യഥകളെയും പ്രതീക്ഷകളെയും തുറന്നു കാട്ടുന്നതാകണം കവിത എന്ന് ഉറക്കെ വിളിച്ചു പറഞ്ഞ ഒരു കവിയാണ് വലയാർ സ്നേഹിക്കയില്ല ഞാൻ നോവുമാത്മാവിനെ സ്നേഹിച്ചിടാത്തൊരു തത്ത്വശാസ്ത്രത്തെയും എന്ന് ഈ കവി ആമുഖ മായ്കുറിച്ചിടുമ്പോൾ.. തന്റെ കവിത ആർക്ക് ഒപ്പമാണ് എന്നും അത് ആർക്ക് വേണ്ടിയാണ് ശബ്ദിക്കുന്നതെന്നും വെളിപെടുത്തുകയാണ് കവി ... വാളല്ല എന്റെ സമരായുധമെന്നും അതുകൊണ്ട് വാളു വിറ്റ് ഒരു മണി പൊൻവീണ വാങ്ങിയെന്ന് ഈ കവി പാടുമ്പോൾ... കലാകാരന്റെ സർഗ്ഗശേഷികൊണ്ട് ലോകത്തെ മാറ്റി തീർക്കാനാവുന്നതു പോലെ ആയുധങ്ങൾ കൊണ്ടു കഴിയില്ലയെന്ന് ഉറച്ചു വിശ്വസിക്കുന്നുണ്ട് അദ്ദേഹം .... അത് കൊണ്ടാണ് ദിഗ്വ് വിജയത്തിനായി... തന്റെ സർഗ്ഗശേഷിയാകുന്ന കുതിരയെ കെട്ടഴിച്ചുവിട്ടു കൊണ്ട് പുതിയ കാലത്തിന്റെ അശ്വമേധത്തിന് തുടക്കമിടുന്നത്.... പൂർവ്വികരിൽ ൽ നിന്നു താൻ ആർജിച്ചെടുന്ന സാംസ്ക്കാരിക മൂല്യങ്ങൾ... അറിവുകൾ അങ്ങിനെ ജൻ മാന്തരങ്ങൾ കൊണ്ട് താൻ നേടിയ സർഗ്ഗശേഷിയെ പിടിച്ചു ക്കെട്ടാൻ ആർക്കാകുമെന്നും മാ...
Read more

EAS പുതിയകാവിനെ അറിയില്ലെ (വില്ലടിച്ചാൻ പാട്ട്/വിൽപ്പാട്ട്)

-
Image
E .A .S  പുതിയ കാവ്   ഇളനിക്കൽ   അയ്യപ്പൻ  മകൻ സുബ്രമണ്യൻ  തൃശൂർ  ജില്ലയിലെ  കൊടുങ്ങല്ലൂർ  താലൂക്ക്  മതിലകം പഞ്ചായത്തിലെ  പുതിയകാവ്  -പുന്നക്കബസാർ  ദേശത്തു  ജനിച്ചു . May 21 ,2012 ന് കുളിമുട്ടം കാതിക്കോട് ദേശത്ത് താമസിക്കുമ്പോഴായിരുന്നു ഹൃദയ സ്തംഭനം മൂലം മരണപ്പെ ടുന്നത്  വിദ്യാഭ്യാസം  മാത്രം കൈമുതലായ  ഈ മനുഷ്യൻ  വായിക്കാത്ത  പുരാണ  കൃതികളില്ല ... പുരാണങ്ങളിലെ സംഭവ കഥകളെ വ്യത്യസ്തങ്ങളായ കലാ ആവിഷ്ക്കാരങ്ങളായി മാറ്റുവാനുള്ള അഭാരമായ ശേഷിയും അദ്ദേഹത്തിനുണ്ടായിരുന്നു....മലയാളം ,സംസ്കൃതം  , തമിഴ്  ഭാഷകൾ അനായാസം  ഇദ്ദേഹം കൈകാര്യം ചെയ്തിരുന്നു .കർഷക തൊഴിലാളിയായി  ഉപജീവനം നടത്തുമ്പോഴും  ...എഴുത്തുകാരനായി  മറ്റൊരു വ്യക്‌തിത്വം  അദ്ദേഹം അടയാളപ്പെടുത്തിയിരുന്നു .....നാടകം ,സിനിമ ,  കവിത  ,എന്നിവയിൽ  അദ്ദേഹം സജീവമായി ഇടപെട്ടപ്പോഴും  അദ്ദേഹത്തിൻറെ  ശക്തി സ്രോതസ്സ് ...നാടൻ  കലാ  ആവിഷ്കാരങ്ങളിലായിരുന്നു ....ഇടതു പക്ഷ സഹയാത...
Read more