ഷോബിൻ--ഗ്യാലറിയിലിരിക്കാൻ മനസില്ലാത്തവൻ...

-


ഷോബിൻ--ഗ്യാലറിയിലിരിക്കാൻ മനസില്ലാത്തവൻ...
********************************
മതിലകം സെൻറ് ജോസഫ് സ്ക്കുളിലെ
ആറാം ക്ളാസിൻടെ വരാന്തയിലാണ്
ഷോബിൻ...നമ്മൾ
ആദ്യമായി കാണുന്നത്....
നനഞ്ഞ ജൂൺമാസത്തിൽ
അരയ്ക്കു താഴേക്കു തളർന്ന നീ
ചെളിയും മണ്ണും കുഴഞ്ഞ്
ഇഴഞ്ഞു വരുന്നത് നോക്കി നിന്ന
സഹതാപ കണ്ണുകളെ
മഴ വെള്ളത്തെ എന്നപോലെ
കുടഞ്ഞെറിഞ്ഞ് നീ ചിരിച്ചത്
ഞാനിപ്പോഴും ഓർക്കുന്നു....
പിന്നീട് നിൻടെ
മൂന്നു ച(ക സൈക്കിളുന്താൻ
മൽസരിച്ച ഞങ്ങളെ നീ
ക്യൂവിൽനിറുത്തി......
ഇന്നു നീ ..നാളെ നീ
എന്നിങ്ങനെ ടോക്കൺ നൽകി.
ആദ്യ നറുക്കുവീണ
എന്നിലേക്കു നീണ്ട
അസൂയ ക്കണ്ണുകളെ
ഞാൻകാണാതെ കണ്ടു....
മൂന്നാം നാൾ
കളിക്കാൻവിട്ടപ്പോൾ
ബാഗിൽനിന്നും
ഒരു നിധി നീ പുറത്തെടുത്തു.....
ഒരു ഫുട്ബോൾ.....!!
ഒന്നുപിടിച്ചുനിൽക്കാൻ പോലും
ആകാത്ത നിന്നെയും
ഫുട്ബോളിനെയും
മാറി മാറി നോക്കിയ എന്നെ തള്ളിമാറ്റി
ക്ളാസ്സ്മുറി ഒന്നാകെ (ഗൗണ്ടിലേക്ക്
ആരവങ്ങൾക്കു പിറകെ
ഉടലും വലിച്ചു പാഞ്ഞുകൊണ്ട്
നീ വിളിച്ചു പറഞ്ഞു
ഞാൻ ഗോളി....ഞാൻ ഗോളി.......!!!
ആദ്യ അഞ്ചു മിനിട്ടിൽ
നിൻടെ ഗോൾപോസ്റ്റിലൂടെ
നിന്നെ തൊടാതെ പാഞ്ഞത്
ആറു ഗോളുകൾ......
ഞങ്ങളുടെ സ്റാർ പ്ളെയർ
റെനിൽ പെരേര ഏഴാമത്തെ ഗോളിനായ്
അറ്റാക്കിങ് ഫുട്ബോളിന് പേരുകേട്ട
സുമേഷിനെയും സജിയേയും കടന്ന്
നിൻടെ കയ്യിലേക്ക് പതിയെ തട്ടിയിട്ടത്
നിന്നെ ജയിപ്പിക്കാൻ
വേണ്ടിയായിരുന്നു എന്നത്
നമ്മൾ മൂന്നുപേരറിയുന്ന രഹസ്യം
എന്നാൽ നീ പന്തു വാരിപിടിച്ച്
ആകാശത്തേക്ക് ചാടിയ ചാട്ടം...
ഇപ്പോഴൂ൦ എൻടെ കണ്ണിലുണ്ട്...
ഇന്ന്........കടക്കാരുടെ കണ്ണുവെട്ടിച്ച്
ഞാൻ ഊടുവഴി തേടുമ്പോൾ
ആൾക്കൂട്ടത്തിനിടയിൽ നീ
ഭാഗ്യ കുറിയുടെ സമ്മാനങ്ങൾ
ഉറക്കെ ഉറക്കെ വിളിച്ചുപറഞ്ഞ്
അതേ ആവേശത്തോടെ....
ഞാൻ പോക്കറ്റിലെ ശേഷിച്ച
അമ്പതു രൂപ നിനക്കു നീട്ടിയത്
കാരുണ്യ ലോട്ടറിയെടുക്കുന്നത്
ഒരു പുണ്യമായതു കൊണ്ടല്ല
നാളെ പുലരും വരെ
സ്വപ്നം കാണാൻ അതു മതിയാകും
എന്നതു കൊണ്ടാണ്....
നാളുകൾക്കിപ്പുറം നീയെൻടെപേര്
ഓർത്തു വിളിച്ചു.......
അതെ ചിരിയോടെ..
ഗ്യാലറിയിലിരിക്കാൻ
മനസില്ലാത്ത ആ ചിരി...
നഷ്ടപ്പെട്ടതെന്തോ തിരിച്ചുകിട്ടിയ
ആഹ്ളാദത്തിൽ
ലോട്ടറി ടിക്കറ്റുവാങ്ങാതെ
തിരികെ നടന്ന എന്നെ നീ
പിറകെ നിന്നു വിളിച്ചു
ടാ.....ലോട്ടറി വാങ്ങീല....
ഇന്നത്തെ ലോട്ടറി എനിക്കടിച്ചെന്ന്
ഞാൻ പറഞ്ഞപ്പോൾ അവന് അത്ഭുതം
അവൻടെ ചിരിയ്ക് കോടിയേക്കാൾ
വിലയുണ്ടെന്ന് ഞാനെങ്ങിനെ
അവനെ ബോധ്യപെടത്തും....

Comments

Post a Comment

Popular posts from this blog

ഇ.ജിനന്റെ തനിയെ പാടുന്ന കവിതകൾ

-
Image
ബാല സാഹിത്യത്തിൻടെ ദിശാ സൂചിക തിരുത്തിയ  ഇ.ജിനന്റെ തനിയെ പാടുന്ന കവിതകൾ ബാലസാഹിത്യത്തിൻടെ ചരി(തം പരിശോധിച്ചാൽ മലയാളസാഹിത്യത്തിൻടെ പിറവിയോളം തന്നെ  പഴക്കമുണ്ടാകും...കഥയോ കവിതയോ എഴുത പെട്ടപ്പോൾ കുട്ടികൾക്കായള്ള എഴുത്തുകൂടി ഉണ്ടായിട്ടുണ്ട്.... കാക്കേ കാക്കേ കൂടെവിടെ എന്ന കവിത നമ്മുടെ എ(ത തലമുറയാണ് പാടി കൊണ്ടിരിക്കുന്നത്....നമ്മുടെ കവി(തയത്തിലെ ഉള്ളൂരാണ് ഈ കവിത എഴുതിയത്.ആമയും മുയലും പന്തയം വെച്ച  കഥ....,കുറുക്കൻ മുന്തിരി കുലക്ക് ചാടിയ കഥ...നമ്മളെത്ര തലമുറ കൈമാറി... കവി കോലായിൽ ഗോപാലകൃഷ്ണൻ ...കൂകു  കൂകൂ  തീവണ്ടിക്ക്... മലയാളി തീവണ്ടി പരിചയപെട്ടതിനോളം പഴക്കമുണ്ട്...എന്നാൽ ഇതിനെയല്ലാം ബാലസാഹിത്യം എന്ന സാഹിത്യ ശാഖ എന്നരീതിയിൽ തരം തിരിക്കപെട്ടത് വളരെ അടുത്തകാലത്താണ്.അതിൽ തന്നെ കുട്ടികളുടെ ഭാഷയിൽ  വലിയ ജീവിത ദർശനത്തെ അവതരിപ്പിച്ച് ബാലസാഹിത്യത്തിന് ജനകീയസാഹിത്യം എന്ന മേൽവിലാസത്തിലേക്ക് ഉയർത്തിയ കവിയാണ് കുഞ്ഞുണ്ണിമാഷ്....കുഞ്ഞുണ്ണിമാഷെ ബാലസാഹിത്യകാരനായി തന്നെ കാണാനാണ് ഞാൻ ആ(ഗഹിക്കുന്നത്. ലോകത്തെ മുഴുവനും കുട്ടിയായി കണ്ട് അവർക്കു വേണ്ടിയുള്ള എഴുത്തായിരുന്നു അദ്ദേഹത്...
Read more

വയലാറിന്റെ അശ്വമേധം കവിതയെ കുറിച്ച് സുധീഷ് അമ്മവീട്

-
Image
കവിതയെ ചമയങ്ങൾ കൊണ്ടും അലങ്കാരങ്ങൾ കൊണ്ടും മനുഷ്യന്റെ യഥാർത്ഥ ജീവിതത്തെ അന്യവൽക്കരിക്കുകയല്ല മറിച്ച് അവയെല്ലാം കുടഞ്ഞെറിഞ്ഞ് മനുഷ്യ ജീവിതത്തിന്റെ വ്യഥകളെയും പ്രതീക്ഷകളെയും തുറന്നു കാട്ടുന്നതാകണം കവിത എന്ന് ഉറക്കെ വിളിച്ചു പറഞ്ഞ ഒരു കവിയാണ് വലയാർ സ്നേഹിക്കയില്ല ഞാൻ നോവുമാത്മാവിനെ സ്നേഹിച്ചിടാത്തൊരു തത്ത്വശാസ്ത്രത്തെയും എന്ന് ഈ കവി ആമുഖ മായ്കുറിച്ചിടുമ്പോൾ.. തന്റെ കവിത ആർക്ക് ഒപ്പമാണ് എന്നും അത് ആർക്ക് വേണ്ടിയാണ് ശബ്ദിക്കുന്നതെന്നും വെളിപെടുത്തുകയാണ് കവി ... വാളല്ല എന്റെ സമരായുധമെന്നും അതുകൊണ്ട് വാളു വിറ്റ് ഒരു മണി പൊൻവീണ വാങ്ങിയെന്ന് ഈ കവി പാടുമ്പോൾ... കലാകാരന്റെ സർഗ്ഗശേഷികൊണ്ട് ലോകത്തെ മാറ്റി തീർക്കാനാവുന്നതു പോലെ ആയുധങ്ങൾ കൊണ്ടു കഴിയില്ലയെന്ന് ഉറച്ചു വിശ്വസിക്കുന്നുണ്ട് അദ്ദേഹം .... അത് കൊണ്ടാണ് ദിഗ്വ് വിജയത്തിനായി... തന്റെ സർഗ്ഗശേഷിയാകുന്ന കുതിരയെ കെട്ടഴിച്ചുവിട്ടു കൊണ്ട് പുതിയ കാലത്തിന്റെ അശ്വമേധത്തിന് തുടക്കമിടുന്നത്.... പൂർവ്വികരിൽ ൽ നിന്നു താൻ ആർജിച്ചെടുന്ന സാംസ്ക്കാരിക മൂല്യങ്ങൾ... അറിവുകൾ അങ്ങിനെ ജൻ മാന്തരങ്ങൾ കൊണ്ട് താൻ നേടിയ സർഗ്ഗശേഷിയെ പിടിച്ചു ക്കെട്ടാൻ ആർക്കാകുമെന്നും മാ...
Read more

EAS പുതിയകാവിനെ അറിയില്ലെ (വില്ലടിച്ചാൻ പാട്ട്/വിൽപ്പാട്ട്)

-
Image
E .A .S  പുതിയ കാവ്   ഇളനിക്കൽ   അയ്യപ്പൻ  മകൻ സുബ്രമണ്യൻ  തൃശൂർ  ജില്ലയിലെ  കൊടുങ്ങല്ലൂർ  താലൂക്ക്  മതിലകം പഞ്ചായത്തിലെ  പുതിയകാവ്  -പുന്നക്കബസാർ  ദേശത്തു  ജനിച്ചു . May 21 ,2012 ന് കുളിമുട്ടം കാതിക്കോട് ദേശത്ത് താമസിക്കുമ്പോഴായിരുന്നു ഹൃദയ സ്തംഭനം മൂലം മരണപ്പെ ടുന്നത്  വിദ്യാഭ്യാസം  മാത്രം കൈമുതലായ  ഈ മനുഷ്യൻ  വായിക്കാത്ത  പുരാണ  കൃതികളില്ല ... പുരാണങ്ങളിലെ സംഭവ കഥകളെ വ്യത്യസ്തങ്ങളായ കലാ ആവിഷ്ക്കാരങ്ങളായി മാറ്റുവാനുള്ള അഭാരമായ ശേഷിയും അദ്ദേഹത്തിനുണ്ടായിരുന്നു....മലയാളം ,സംസ്കൃതം  , തമിഴ്  ഭാഷകൾ അനായാസം  ഇദ്ദേഹം കൈകാര്യം ചെയ്തിരുന്നു .കർഷക തൊഴിലാളിയായി  ഉപജീവനം നടത്തുമ്പോഴും  ...എഴുത്തുകാരനായി  മറ്റൊരു വ്യക്‌തിത്വം  അദ്ദേഹം അടയാളപ്പെടുത്തിയിരുന്നു .....നാടകം ,സിനിമ ,  കവിത  ,എന്നിവയിൽ  അദ്ദേഹം സജീവമായി ഇടപെട്ടപ്പോഴും  അദ്ദേഹത്തിൻറെ  ശക്തി സ്രോതസ്സ് ...നാടൻ  കലാ  ആവിഷ്കാരങ്ങളിലായിരുന്നു ....ഇടതു പക്ഷ സഹയാത...
Read more