പ്രണയത്തിന്റെ ദുഃഖ വെള്ളി

-

എന്നെ ഒറ്റി കൊടുത്തതിന്റെ
മൂന്നാമത്തെ മണിക്കൂറിൽ
എന്നോടൊപ്പം ശയിച്ച്
എന്റെ  മാംസവും രക്തവും
പാനം ചെയ്ത്
അവൾ വിശുദ്ധയായി....
ഉയർത്തെഴുന്നേൽപ്പിന്റെ
അവസാന അടവും പിഴച്ച്
ഞാൻ അവളുടെ വിയർപ്പിൽ
പനിച്ചു കിടന്നു....
കാൽവരിക്കുന്നിലേക്കുള്ള
യാത്രയിൽ
അവർകുർത്ത കല്ലുകളുമായി
ഊഴം കാത്തുനിന്നു
നിങ്ങളിൽ പാപം ചെയ്യാത്തവർ
എന്നെ കല്ലെറിയട്ടെ
എന്ന സൂത്രവാക്യം കൊണ്ട്
അവരെ സ്തംബ്ദരാക്കാൻ
കൊതിച്ചു തോറ്റുപോയ ഞാൻ
തിരുമുറിവുകളിൽ രക്തമൊഴുക്കി
അവരുടെ പാപങ്ങളെ കഴുകി കളഞ്ഞു...
അവളുടെ ഉടലിൽ തറച്ച എന്റെ
തിരുശേഷിപ്പുകൾ വീണ്ടെടുത്തേക്കാം..
ഉയർത്തെഴുന്നേൽപ്പിനെ ഭയപ്പെട്ടാലും
ഭംഗിയായി അവരത് അലങ്കരിച്ചേക്കും..
എന്റെ സ്തുതികളാൽ അവൾ
കാണികളെ അത്ഭുതപെടുത്തും
ദിവ്യരൂപം പൂണ്ട് അവൾപള്ളിമേടയിൽ
കുടിയിരുത്തപെടും
കമ്പോളങ്ങളിൽ എന്റെ ശേഷിപ്പുകൾ
കാലങ്ങളോളം വിൽക്ക പെട്ടേക്കും
എന്റെ രൂപക്കൂട്ടിലെ മെഴുകുതിരികളുടെ
പതിഞ്ഞ വെട്ടത്തിൽ അവളുടെ
നിഴലനക്കങ്ങൾ ഞാൻ കാണും.
അവളിൽ നിന്നും വേർപ്പെട്ടു പോയ
രൂപത്തിന് ചുറ്റും
ദൈവത്തിന്റെ തെന്നപോലെ
പ്രഭാവലയം..
എന്നെയൊന്നു കൂടി കൊന്നു തരാൻ
ഞാൻ കൈകൾ കൂപ്പി
അതിനോട് കെഞ്ചും...
അന്ന്....
അന്ന് കുമ്പസാര കൂട്ടിൽ നിന്ന്
ദൈവം ഇറങ്ങിയോടും..!
അതിൽ നിന്നും അവളുടെ
നിലവിളികൾ ഉയർന്നു കേൾക്കും...
ഇന്ന് പ്രണയത്തിന്റെ ദുഃഖവെള്ളി...!!
എനിക്കൊന്നു ഉയർത്തെണീക്കാൻ
ഒരു ഹൃദയം തരൂ....

Comments

Post a Comment

Popular posts from this blog

ഇ.ജിനന്റെ തനിയെ പാടുന്ന കവിതകൾ

-
Image
ബാല സാഹിത്യത്തിൻടെ ദിശാ സൂചിക തിരുത്തിയ  ഇ.ജിനന്റെ തനിയെ പാടുന്ന കവിതകൾ ബാലസാഹിത്യത്തിൻടെ ചരി(തം പരിശോധിച്ചാൽ മലയാളസാഹിത്യത്തിൻടെ പിറവിയോളം തന്നെ  പഴക്കമുണ്ടാകും...കഥയോ കവിതയോ എഴുത പെട്ടപ്പോൾ കുട്ടികൾക്കായള്ള എഴുത്തുകൂടി ഉണ്ടായിട്ടുണ്ട്.... കാക്കേ കാക്കേ കൂടെവിടെ എന്ന കവിത നമ്മുടെ എ(ത തലമുറയാണ് പാടി കൊണ്ടിരിക്കുന്നത്....നമ്മുടെ കവി(തയത്തിലെ ഉള്ളൂരാണ് ഈ കവിത എഴുതിയത്.ആമയും മുയലും പന്തയം വെച്ച  കഥ....,കുറുക്കൻ മുന്തിരി കുലക്ക് ചാടിയ കഥ...നമ്മളെത്ര തലമുറ കൈമാറി... കവി കോലായിൽ ഗോപാലകൃഷ്ണൻ ...കൂകു  കൂകൂ  തീവണ്ടിക്ക്... മലയാളി തീവണ്ടി പരിചയപെട്ടതിനോളം പഴക്കമുണ്ട്...എന്നാൽ ഇതിനെയല്ലാം ബാലസാഹിത്യം എന്ന സാഹിത്യ ശാഖ എന്നരീതിയിൽ തരം തിരിക്കപെട്ടത് വളരെ അടുത്തകാലത്താണ്.അതിൽ തന്നെ കുട്ടികളുടെ ഭാഷയിൽ  വലിയ ജീവിത ദർശനത്തെ അവതരിപ്പിച്ച് ബാലസാഹിത്യത്തിന് ജനകീയസാഹിത്യം എന്ന മേൽവിലാസത്തിലേക്ക് ഉയർത്തിയ കവിയാണ് കുഞ്ഞുണ്ണിമാഷ്....കുഞ്ഞുണ്ണിമാഷെ ബാലസാഹിത്യകാരനായി തന്നെ കാണാനാണ് ഞാൻ ആ(ഗഹിക്കുന്നത്. ലോകത്തെ മുഴുവനും കുട്ടിയായി കണ്ട് അവർക്കു വേണ്ടിയുള്ള എഴുത്തായിരുന്നു അദ്ദേഹത്...
Read more

വയലാറിന്റെ അശ്വമേധം കവിതയെ കുറിച്ച് സുധീഷ് അമ്മവീട്

-
Image
കവിതയെ ചമയങ്ങൾ കൊണ്ടും അലങ്കാരങ്ങൾ കൊണ്ടും മനുഷ്യന്റെ യഥാർത്ഥ ജീവിതത്തെ അന്യവൽക്കരിക്കുകയല്ല മറിച്ച് അവയെല്ലാം കുടഞ്ഞെറിഞ്ഞ് മനുഷ്യ ജീവിതത്തിന്റെ വ്യഥകളെയും പ്രതീക്ഷകളെയും തുറന്നു കാട്ടുന്നതാകണം കവിത എന്ന് ഉറക്കെ വിളിച്ചു പറഞ്ഞ ഒരു കവിയാണ് വലയാർ സ്നേഹിക്കയില്ല ഞാൻ നോവുമാത്മാവിനെ സ്നേഹിച്ചിടാത്തൊരു തത്ത്വശാസ്ത്രത്തെയും എന്ന് ഈ കവി ആമുഖ മായ്കുറിച്ചിടുമ്പോൾ.. തന്റെ കവിത ആർക്ക് ഒപ്പമാണ് എന്നും അത് ആർക്ക് വേണ്ടിയാണ് ശബ്ദിക്കുന്നതെന്നും വെളിപെടുത്തുകയാണ് കവി ... വാളല്ല എന്റെ സമരായുധമെന്നും അതുകൊണ്ട് വാളു വിറ്റ് ഒരു മണി പൊൻവീണ വാങ്ങിയെന്ന് ഈ കവി പാടുമ്പോൾ... കലാകാരന്റെ സർഗ്ഗശേഷികൊണ്ട് ലോകത്തെ മാറ്റി തീർക്കാനാവുന്നതു പോലെ ആയുധങ്ങൾ കൊണ്ടു കഴിയില്ലയെന്ന് ഉറച്ചു വിശ്വസിക്കുന്നുണ്ട് അദ്ദേഹം .... അത് കൊണ്ടാണ് ദിഗ്വ് വിജയത്തിനായി... തന്റെ സർഗ്ഗശേഷിയാകുന്ന കുതിരയെ കെട്ടഴിച്ചുവിട്ടു കൊണ്ട് പുതിയ കാലത്തിന്റെ അശ്വമേധത്തിന് തുടക്കമിടുന്നത്.... പൂർവ്വികരിൽ ൽ നിന്നു താൻ ആർജിച്ചെടുന്ന സാംസ്ക്കാരിക മൂല്യങ്ങൾ... അറിവുകൾ അങ്ങിനെ ജൻ മാന്തരങ്ങൾ കൊണ്ട് താൻ നേടിയ സർഗ്ഗശേഷിയെ പിടിച്ചു ക്കെട്ടാൻ ആർക്കാകുമെന്നും മാ...
Read more

EAS പുതിയകാവിനെ അറിയില്ലെ (വില്ലടിച്ചാൻ പാട്ട്/വിൽപ്പാട്ട്)

-
Image
E .A .S  പുതിയ കാവ്   ഇളനിക്കൽ   അയ്യപ്പൻ  മകൻ സുബ്രമണ്യൻ  തൃശൂർ  ജില്ലയിലെ  കൊടുങ്ങല്ലൂർ  താലൂക്ക്  മതിലകം പഞ്ചായത്തിലെ  പുതിയകാവ്  -പുന്നക്കബസാർ  ദേശത്തു  ജനിച്ചു . May 21 ,2012 ന് കുളിമുട്ടം കാതിക്കോട് ദേശത്ത് താമസിക്കുമ്പോഴായിരുന്നു ഹൃദയ സ്തംഭനം മൂലം മരണപ്പെ ടുന്നത്  വിദ്യാഭ്യാസം  മാത്രം കൈമുതലായ  ഈ മനുഷ്യൻ  വായിക്കാത്ത  പുരാണ  കൃതികളില്ല ... പുരാണങ്ങളിലെ സംഭവ കഥകളെ വ്യത്യസ്തങ്ങളായ കലാ ആവിഷ്ക്കാരങ്ങളായി മാറ്റുവാനുള്ള അഭാരമായ ശേഷിയും അദ്ദേഹത്തിനുണ്ടായിരുന്നു....മലയാളം ,സംസ്കൃതം  , തമിഴ്  ഭാഷകൾ അനായാസം  ഇദ്ദേഹം കൈകാര്യം ചെയ്തിരുന്നു .കർഷക തൊഴിലാളിയായി  ഉപജീവനം നടത്തുമ്പോഴും  ...എഴുത്തുകാരനായി  മറ്റൊരു വ്യക്‌തിത്വം  അദ്ദേഹം അടയാളപ്പെടുത്തിയിരുന്നു .....നാടകം ,സിനിമ ,  കവിത  ,എന്നിവയിൽ  അദ്ദേഹം സജീവമായി ഇടപെട്ടപ്പോഴും  അദ്ദേഹത്തിൻറെ  ശക്തി സ്രോതസ്സ് ...നാടൻ  കലാ  ആവിഷ്കാരങ്ങളിലായിരുന്നു ....ഇടതു പക്ഷ സഹയാത...
Read more